Os alumnos
de 1º e 2º da ESO puxemos rumbo a Santiago para visitar a TVG e o Museo do
Pobo Galego.
Nas
instalacións da canle autonómica tivemos a sorte de entrar en directo no plató
de Bos días e presenciar un debate conducido polo presentador Francisco López
Iglesias. Todos fomos conscientes do traballo que hai tras as cámaras e ao rematar, o
xornalista aclarou as nosas dúbidas.
E non podía
faltar a visita de toda unha institución
na galega, Xosé Ramón Gayoso, que leva 26 anos á batuta do Luar. O
presentador, alumno da Grande Obra, falounos da maxia que fai a televisión e dos
distintos roles que teñen todos os que traballan nun programa. Amosou tamén a súa
sorpresa por ser unha referencia para os rapaces xóvenes.
Xa no casco da cidade, na Praza do Obradoiro buscamos taboleiros de xogo medievais e comimos na hospedería de San Martín Pinario. Pola tarde fomos testemuñas do noso pasado e
a nosa historia percorrendo as salas do Museo do Pobo Galego. As nosas raíces
están presentes nas distintas salas en forma de tradicións, artesanía ou
folclore e como non, nas tumbas de Rosalía de Castro e Castelao que presiden o
Panteón de Galegos Ilustres.
