jueves, 19 de noviembre de 2020

PONTEDEUME E OS SEUS 750 ANOS DE HISTORIA



Os alumnos da ESO vistamos este mes a exposición 750 anos construíndo a historia de Pontedeume, unha mostra que repasa os sete séculos e medio da nosa vila.

Nela tivemos a oportunidade de ver documentación orixinal, fotografías e ilustracións antigas que nos trasladaron ao noso pasado. Na visita guiada descubrimos a orixe da ponte de pedra e os arcos e cambios producidos ao longo dos anos, o gran patrimonio dos Andrade e a tumba dun deles na igrexa de Santiago, a creación do concello e as Revoltas Irmandiñas, a vida económica e social dunha vila que apenas conserva restos da súa muralla e coa que se cebaron varios incendios. Un deles dá orixe a unha das tradicións máis importantes de Pontedeume: o reparto de boliños o día de San Nicolás.

Unha exposición que é necesaria e imprescindible para coñecer e valorar esa historia que fala de cada un de nós.








No hay comentarios:

Publicar un comentario