O noso obradoiro comezou paseando polo medievo desta vila
ás beiras do Eume que vai camiño a 800 anos da historia. Nas rúas que
percorreron os Andrade, nas historias segredas de namorados, nas ansias de
poder duns e nos desexos de liberdade doutros, nas sombras vagando polos recunchos
e nas súas pegadas inspirámonos para compoñer as nosas “Cantigas do Eume”.
Desa inspiración saíron fermosas “Cantigas de amigo”, todas elas construídas seguindo as pautas medievais de tópicos, métrica, leixaprén, paralelismo e refrán. Tamén foron decoradas con esmero como se fosen verdadeiros trobadores.
Chegado o terceiro día e antes de facer a exposición, os
rapaces tamén puideron coñecer as características das “Cantigas de Escarnio”,
facer unha comparativa coa música protesta de hoxe en día e animáronse a “rapear”
contando e cantando os seus problemas ironicamente.
No hay comentarios:
Publicar un comentario