Hoxe visitou o colexio o antigo alumno Jorge Díaz del Río, quen mellor que el, enxeñeiro de telecomunicacións na Axencia Espacial Europea, para achegarnos aos misterios do Universo.Jorge repetía experiencia cunha charla destinada aos alumnos de 1º e 2º de ESO, onde repasou a historia da exploración espacial amosándolles como eran os satélites antigos e como a tecnoloxía transformou esas primeiras imaxes das sondas e robots que se enviaban ao espacio en fotografías máis precisas.
Os instrumentos da enxeñaría espacial abordan agora grandes distancias e conseguen datos que poden achegarnos máis a outros sistemas e á posible existencia de vida noutros planetas.
Jorge explicou aos nenos os temas nos que se centran os científicos segundo os parámetros que transmiten os satélites actuais: océanos, humidade, cambio climático, fenómenos meteorolóxicos, etc. Insistiu en que os obxectivos do estudo do espacio segue sendo chegar á orixe do Universo, investigar ese pasado para explicar o presente e predecir ou prever cambios nun futuro.
Dende aquí e unha vez máis, agradecemos a súa dispoñibilidade
No hay comentarios:
Publicar un comentario