OS DE 1º E 2º DA ESO CON GAYOSO NA TVG

Todos emocionados con Xosé R.Gayoso, presentador do Luar

E cumpriu a súa palabra… O venres pola noite a audiencia do Luar en Pontedeume subiu un chisco grazas ao saúdo que Gayoso, coñecido presentador da TVG, mandou ao colexio. Os de 1º e 2º da ESO, que visitaron a Galega a semana pasada gozaron da aparición estelar e ovacionada de Xosé Ramón Gayoso, un “gran atochano”, coma el se define. Non sabía que tiñamos a Grande Obra en común pero animouse en canto chegou a falarlles de Don Baltasar e “presumir” de coñecelo en vida e facelo rir coa súa receta de tortilla de pataca. Sacaron decenas de fotos con el e moitos alardearon de velo Luar na casa dos avós.

Coa emoción de ver alguén que sae pola tele, seguiron visitando as instalacións da autonómica percorrendo os platós dos telexornais, o de “A solaina” e vendo en vivo e en directo como se facía un programa diario “A revista” no control da realización coas explicacións da directora do programa e os técnicos.

Algúns rapaces quixeron ser presentadores por un día

Na Cidade da Cultura subiron todos ás cubertas

A visita a Santiago continuou pola tarde cun itinerario pola Cidade da Cultura, esa obra colosal feita polo arquitecto Peter Einseman. Demos unha volta pola bibilioteca, o arquivo, a sala de maquetas e as inmensas salas de exposición pero o que de verdade disfrutaron foi a subida por unha das rampas que forman as cubertas.